آيل للذبول

يا عليك الله قول..
يا تبيني؟..
أو تعال اطعن برفضك كل فكرة للوصول!
خلّص أحلامي من آلامي.. وصوّب نيتك!!
صرت أنا واحد أناني..
صرت آيل للذبول..

***

.. والغيوم..
وما كتبنا بالسما..
واسما نجومك..
كلها صارت تلوم!
ما بقى غيمة تصلّي..
طاحت بصدر الأماني كنّها دمع امحروم!!
وما بقت نجمة تسلّي..
ما بقى للضو حول..
كنّها تمشي إلى لحظة أفول!!

***

من عرفتك.. ما عرفتك..
شفتك.. وزاد الوله.. والجهل فيك..
كل ما قرّبت.. بين إني أضيع وغصب أبيك..
لين .. خفتك!!
لين ضاقت لحظتين بنون ظلم..
أي وحدة تنتصر من حقها.. ويموت حلم!!
أي لحظة تهتويك؟! وتفتري فيها الحلول..
أنت تختار وعلي أقرا طريقي..
وين ما كان الوصول..
بس قول!!