شيء مبعثر

طيفه اللي ماتخلى يوم عنّي..
جا يغـنّي:
(ريحة الغربة قــَرَف)..
ورحت أغنّي:
هوّن الدنيا تهون..
واترك الأحلام تمشي في هواها..
كن..كما تطلب/ تكون...
وقبل ماكمّل كلامي..
باس كوعه.. وانصرف!!
.
.
.
.

2)
ياحبييي والأماني طيف ثاني..
أنت الاول..بس..
لاتصبح أناني!!

3)
ياحبيبي..
والليال طوال تقطع حيل من يمشي وراها..
أنت الأطول..بس..
لاتقطع نِـفـَس قلبي معاها!!

4)
سؤالك / والطريق الحالك..المربك..
جرَع من وحشتك..قربك..
وشد معتّق الأشواق.. من صدري..
وطار فراق..
.
.
.
يابوّاق!!

5)
كان إنسان..
كان أقرب من أنفاسك..
وكانت روحه إحساسك..
وكنتي ريشته وغناه.. والألوان..
وكنتي في مداه.......وكان!!
كان إنسان..
.
.
.
كان آخر طريقه روحك الخجلى..
وكان الليل سيّد للسهر..
وكان العبد..مصخي للدهر..
خنجر مشاويره سؤاله / والسواد يسود مايـِجلى ..
وكان الجرح هّين..
وضمادته وسيادته ووسادته..
بعيونك النجلا..
وكنتِ صنعة الرحمن..
وكان إنسان!!
.
.
.
كان إنسان..وانتي!!
كنتي أول باب..وآخر باب..
كنتي ربعه وناسه..وراس المال والأحباب..
كنتي سحره اللي ماخذن قلبه مع الألباب..
وكنتي..لو دريتي ويش كنتي؟!
كان ماينسى أصول (الأنسنة)..
يكتب على الجدران..
كنت إنسان.. كان إنسان..
.
.
.
.
.
6)
هني الليل..
مايشفق على روحي...
هنيّه..مايشوف القلب..وجروحي..
.
.
هنيّه..
لو بغيت أسترسل الشكوى..
وأغنـّي للنجوم الساهرة..بوحي..
هنيه..صدق..
مايسمع ولايوحي..
.
.
7)
ياقوّ قلبك بالتسلي مع الناس
ضرّيت قلب ٍ مايبيلك مضرة
أجيك..حب..بحب..وإحساس بإحساس
وأعطيك من وصل الرحوم المبرّة
وتروح في غُبّ المخاليق عسّاس
تضيق بك نجمة وأنا لك مجرّة!!
ميّزت (أحبك) كلمة ٍ بين الأقواس
عشان تفرق خير قلبي وشره
لاباس لو طعت المخاليق لاباس
لكن تجمّل بي مع الناس مرّة