تراتيل الوقوف

واقف.. هنا..
نفس المكان اللي تركتي فيه قلبي.. ياااا منى!
واقف.. هنا..
ما جيت.. ما ردّيت.. ما هادنت رجلي أو يدي..
حتى ظلالي.. ما انثنى!
واقف.. هنا..
وانتي ظلالك كل ما يكبر بعد.. يكبر بعد..
يكبر إحساسي بالـ فنا!!

.

.

واقف.. هنا..
أراقبك.. وانتي تفلِّين السنين..
وتنثرين.. أيام عمري من يدك.. مثل الخرز..
حبة ورا حبة.. ورا حبة.. ورا.. حبة... ورا!
.. وإحساسي اصبه على آثارك ملاها صوت..!
نبت عقب ابتعادك بالطريق.. سكووووت!
وطالت بك خطاك هناااااك.. بحثاً عن حياة..
وأنا ما زلت واقف لك هنا..
ماخفت بعدك.. كيف أموت!

.

.

واقف هنا..
وأقول في قلبي على الأرض بتدور..
شمسي تغيب وتستحي.. وتعود تملاني حضور..
لين انتهيت بليييييييييل.. بور..
ما ينجمع مع غيره.. ولا ينتهي..
لين امتلا صدري غبااار.. و انتظار..
لين أيسّت عيني من قبال النهار...
واقف هنا.. ما.. زلت... ما رديت.. ما قدمت..
.. والله حتى ما ندمت!!
ما عاد في قلبي ندم!!.. صار الندم محظور..
صار الندم عن حضرتك.. نور.. وبداية ثانية..
وأنا تعودت الوقوف بظلمة الليل الطويل.. البور..!

.

.

واقف هنا..
تلاشت الصورة تحت قرص الغروب.. وما نسيت.. ولا تهون!
تقطعت وسط السراب اللي حجز بين السما والأرض.. في بعض العيون!
واقف هنا.. ما طبَّق لقلبي جفون.. وما غفا لحظة.. ولا نام الحزين!!
واللحين.. جيتي تسأليني... عن مكاني وين؟ يا ذيك السنين؟؟!!

ماني هنا!!