سالفة بايخة

جت أول الليل.. بطموح.. لـ آخره!
خطوة غنج.. متقدمة.. متواخرة..
قالت: hello..
قلت: اعذريني ما أتكلم english
قالت: ولو.. ! ما كنت أحس إنك كذا..
أتابعك.. تكتب حلو.. تملك معاني فاخرة!
جاوبتها: طيب.. وإذا؟!
قالت: أبد.. ما عاد لك نفس الـ image..
لا يكون متزوج بعد!!!
قلت: ايه.. متزوج..
وربي رازقٍ عبده بعد.. بنت.. وولد...
قالت: حرااااااااااااام...
وتمتمت..: يلله.. سلام!!!!
سألتها: وين الحرام..؟ وش فيك.. يا بنت الحلال؟
قالت: أنا ماحب كل الـ boys مرّه.. وأحتقر صنف الرجال..!
.. وكنت اتطلع لك.. وبتشارك معك بعض الذنوب..!
يمكن.. على يدّي تتوب!
لكن.. خسارة..
ما طلعت اللي فـ بالي (زير نسوان.. وكذوب)!!!