إياب يا غيّاب



إيااااااااااااااب.. يا غيّاب..
ما باقي إلا خطوتين.. وباب!!

***

إيااااااااااااب.. يا غيّاب..
بعضي.. نسيته في ذهابي: ثلج..
بعضي.. سبقني: ذاب!!

***

إيااااااااااااب.. يا غيّاب..
ما كن هالدنيا.. بكت..
ما كن قلبي في يديني.. عاب!
جيتك.. وأنا ناسي خطاك.. وزلتك..
تارك وراي اللي خذلني فيك..
يا كذاب!!

***

إياااااااااااب.. يا غيّاب..
رغم التناقض فيك.. كنت: أبكيك!
رغم الوله لمعانقك.. والشوق لك..
مرتاب!!

***

إياااااااااااب.. يا غيّاب..
شفني: رجعت.. وغايتي: توبة..
شفني: "خطاك".. أستغفر "ذنوبه"!!
أنا.. الراحل.. وأشوفك:
باب!..
وأنا اللي راجع لقلبك.. وأشوفك:
سيد الغيّاب!!

***

إيااااااااااب يا غيّاب..
ما باقي ألا خطوتين.. وباب..
ما باقي ألا.. خطوة..
و.. ما باقي.. إلا.. باب..
وتعود لعيوني مرافي نظرتك..
وأغيب عن وعيي.. وأتيه: غياب!
وأرجع.. أغني لك: إياب..
ما باقي إلا: لو نصك الباب!!