ترامي

ترامي، ترامي.. في مدى عيني..
وغني لي كلامي!!..

*

*

رذاذ الروح: طيفك..
والخيال أثمر.. وجابك لي غرامي..
ترى ما هي دموع البُعد هذي..
هذي الفرحة بطيفك لاح هاللحظة أمامي!!

*

* 

ترامي، ترامي..
يا خيالٍ كل ما زاد بسناه يهج صدري داخلي..
يحتبس كل أوكسجينه.. ويتناثر من غلاتك ياسمينه
ترامي، ترامي..
واسعديني، واترفيني،
 وامنحيني صك تحرير لخيالي..
واطلقي بيديك قيدك عن يديني..
ترامي، ترامي..
ما رسمت إلا حلالي..
ولا كتبت إلا حنيني..
وما سرقت إلا دقايق من عيونك..
بس والله ما أخونك..
لو طلعت بعينك بـ لحظة: حرامي!!