واسامحك؟!

ضميري حي..
ويحبك.. مثل راعيه
ولا خان التراب وجذره.. يغذيه..

ضميري حي..
ما مات لحياة عيال.. أو مال وحلال أبنيه!

ضميري حي..
لكني أموت إن راحوا أحبابي..
أموت إن يبست آثار الحبايب.. وأنتظر ما شفت غيَّابي..
أموت.. ولو بقى حضرة ضميري حي..!
يتنفس غلاتك حب.. بغيابي!

****

أسامحك..؟ ماسامحك..؟..
أسامحك..؟ ماسامحك..؟
مدري وش أجاوب ضميري فيك.. وش يكفيك؟
مدري وش آخذ منك.. وش بعطيك!!
دخيل قلبي قول.. ما عادت ترانيمي تروض جامحك!!
وكل ما نويت أستدرج الموقف.. وأجي بزعل عليك..
أذكر طعم ملامحك...

واسامحك!!