بدو.. بدون رحّل!

والبدو.. يا بنت الحلال: أعراب..
خط الحياة.. من الولادة للممات: تراب..
يمشون.. من حد التعب لين التعب.. ما يجلسون!!
كانت خطاويهم: سما.. ما يكرهون إلا الرجوع..
كانت خطاياهم: غرامة جوع!
لين انتهوا قبل استدارات الحياة المسرعة..
لين استكانوا للدعة..
راحوا.. تلاشوا.. نوع.. نوع!!

***

هو: أنا بدوي..
هي: فين الحوصااااااااااان؟
هو: بدلناه بالسيارة..
هي: والغووووبار؟؟
هو: صار بلاط
هي: والبندقيا؟
هو: ما شفتيها؟ معلقينها في مجلس الوالد
هي: وتطخ فيها؟
هو: طخيت مرة وأنا صغير على قوطي ببسي
هي: وعندكم غنم وبعير ودجاج؟
هو: اعقبي!!! وش دجاجه؟؟
هي: إش فيه!!
هو: الدجاج هوب لنا يا الحضرية..
هي: والغنم والبعير؟
هو: إيه هذولي لنا
هي: والدجاج إشبو؟
هو: عيب عيب نربي الدجاج
هي: وكيف عاش الدجاج كل الفترة هادي؟
هو: ربوه ناس غيرنا
هي: وتاكلوه؟
هو: ناكله بس ما نربيه، زي الحبارى أول قبل ما تنقرض
هي: يا حراااااااااااااام.. وليش ما ربيتوها؟
هو: اعقبي!!!!!
هي: أعقب أنت يا مُتخلف!!!!

***

واللحين ما باقي بدو
يكذب من يقول بدوي
يا جاهل.. لنفسه عدو
يا هو منافق أو.. خوي!!