الغاوية

 

يا غاوية.. وش ناوية؟؟
طيري بعييييييييييييد..ورفرفي..
بلّغت عنك.. معاوية!
وأسرف يكسّرني عتب..
ما عاد تـُقرا شعرته.. أو تُنْكتب..
خايف تطيحين.. ويموت إحساس قلبي بالحياة وضوها..
وأغصان روحي ذاوية!!

**

يا غاوية..
طيري بعيد ولا تجين..
أصل الأوادم.. طين..
وانتي: ماااااااه..
كل الحياه.. وسرها..
يا سرها.. وأصل الحنين..
موت التراب.. وداه!! وأسباب الغرق..
وانتي تعرفين الغرق؟..
أنا غرقت وشفت موتي مره بعتم الورق!
ما فيني أغرق مرتين!!
يا غاوية.. روحي.. بعيد..
وسامحي شاعر حزين..
كلمة تلوّن خاطره..
ويبقى مثل ما هو.. سنين..
شاعر: خياله.. غض..
بس ما عنده حنين!

**

يا غاااااوية.. والله تعبت..
وكل الفرص في هالحياة الموجعة..
ماعاد هي متساوية !