يدينك صبح

وش يدين... اليدين اليا تعدت عليك..
وأنت تدري وش أقصد لو يديني تُدان!

هات قلبك وثق فيني.. وعطني يديك..
وانس نفسك معي لحظه وغمض ثوان

وامش بشويش لا تجفل.. علي ما يجيك
كثر ما جاك.. وأنت بحضن قلبي مصان

أرخ حلمك وحلمي.. للوصول الوشيك
واعط نفسك لنفسي.. مثل نفسي زمااان

ها وصلنا حبيبي.. لـ (المرايه).. وأبيك
تطلق لقدرة سحر عينيك كل العنان!

قرب أكثر و(جاوب).. جاااه قلبي عليك
كيف؟ من يمسك يدين الصبح هذا: يُدان!