ذلّ!

ذُلّ..
وحبيبك طين، من كثر التوجد.. مَلّ!
والطين لو عاند تيبس، وانحبس جواة نفسه ذَلّ
عط نونة النفس اعتلال، أو بلّلّ الطين العتيق..
عط نفسك ونونك ليال، أو سكّر أطراف الطريق..
عطني حبيبي حل!!
عطني قسيت من التوجد.. والتوجد: ذُلّ!!

.

.

ذُلّ.. وبصيص الطيبين النور..
ما ينكسر بس انزَرَعْ بالسور!!
إما يموت.. أو ينحجز..
إما نزعته وبيدي.. يبقى ظلامي سيدي..
أو أتركه ما يوصلك.. كيف الحياة اتدور؟!
كيف أتشوّف لك تجي أو ما تجي قبل الحنين..
كيف أحسب أيامي وأدلّ الغايبات من السنين؟!
كيف أجمع أجزائي معك.. قبل النهار ايقّل..
وأصير في لحظة حقيقة: كُلّ!!

.

.

ذُلّ.. وغلاتك..
ما ذكرت بيوم لحظة كان فيها وجد من يذكر حبيبه: ذُلّ..
ذُلّ.. وغلاتك..
وأنت لو تدري - على طاري غلاتك - كم غلاتك عَذّرَتْ للكل..
ذُلّ.. وغلاتك..
حاسب عيوني على لون العطش، يمكن تحنّ بأزرقك وآعِلّ..
ذُلّ.. وغلاتك..
والغلا مفتاح قيد، وكل قيد يساورك إما افتحه أو حِلّ..!
ذُلّ.. وغلاتك..
لا تِحِلّ أكذب عليك، الله يحلّك، بس تكفى: لا تِحِلّ!!!
ما قلت لك: ذُلّ.. وغلاتك.. ذُلّ..

.

.

ذُلّ.. وغلاتك.. ذُلّ..
وأنت السما فوقي وفوق الناس والدنيا..
وأنا من فوق غيمة كثر ما شافت سما.. عيّت تدِلّ!!
صوت أتلاشى.. والهطول بـ صبر..
موت يتماشى.. والنزول لـ قبر..
حتى وأنا حي اذكر إني حيل أحبك يا سما..
وماكان حولي ظل!!

.

.

ذل.. وغلاتك.. ذل..