ذات راء ثالثة

(1) 
العندليب.. أعمى..
والعندليب.. يشوف..
قطر الزمان.. أسمى..
من وقفته بـ الخوف!!

(2)
والخوف - يا كل الحياة - الموت..
ليه أنتهي كل يوم.. بأسبابك؟!
وأنا من غير (احبك).. كنت عايش مرّه..
ومرّه فقط.. مرّه.. أموت!!

(3)
تدرين.. عاد؟!
وفانقلس.. والبيانو.. والشجن يزداد..
لمحتك بالضمير.. بلاد..
والأزرق من رهيف الذكريات.. ازرق..
أنا كنت ابتسم.. وأغرق!!

(4) 
وأنا رغم الجروح.. بـ صبر.. جيتك..
حلاوة روح.. لين ألفيت بيتك..
.. وتخيّل.. يا حبيبي..
مالقيتك!!

(5)
العندليب.. أول..
والعندليب.. آخر..
والقلب.. لو هوّل..
مصيره.. يفاخر..
إنه لو.. يُئوّل..
في حبه.. الزاخر
ما كان يتسوّل
من قلبك الفاخر!!

(6)
أبعرف ليه ما تقدر... تغني..؟
وأنا غنيت لك كل الكلام.. وذقت بك فني!!
أبعرف ليه؟
يوم أرسم لك الدنيا عليك.. وعنك..
ما قط فـ لحظة قد حكيت لريشتك.. عني!!

(7) 
وأنا أعرف.. جنوني فيك..
يقلق راحتك..
ويسوّر أحلامك ضنا ويشقيك..
وش تسوّي؟! كذا أغليك!!!

(8)
أكبر من أحلامي على صغرك!! 
وأكثر حياة من الحياة..
والموت في ثغرك!!

(9)
يا هيه.. قل: إيه.. وثلاث أشياء..
أول: سما..
وآخر: سما..
وما بينهم.. بس: راء!!