وجع

أوجعتني..
شريتك بصبح الكلام البكر وأهديتك خفوق..
وأنت بـ سكوتك بعتني!

***

أوجعتني ياسكرة الذنب الكذوب..
ومن كثر ما أوجعتني..
قررت عن صدقي أتوب
أوجعتني ومن كثر ما أوجعتني..
براجع أحلامي معك.. لكني خايف أوجعك!!

***

أوجعتني يابن الحلال أوجعتني صمتك: جمر..
وأنا تنفستك عمر..
وأثرك تشوف إني زفيرك للحياة..
مثلي مثل سكرة خمر!!

***

أوجعتني..
ومن أول أول نبضة بقربك وقلبك ما يطيع..
عن كل ماقلته جميع..
إلا مفارقنا قبل ما أنطقه لك طعتني!!

***

أوجعتني..
والآه صفرا والثواني غايبة والليل ياطوله علي..
كن الظلام وسيرة الترحال مخلوقات لي!
ويشيّعنّي للحزن، يوم أنت ماشيعتني..
أوجعتني..

***

أوجعتني..
وتدري وش يكون الوجع؟
لما أنادي للحكي بعد الندم..
من راح لك أبيه يرجع.. ما رجع!